11.3 C
Los Angeles
March 25, 2023
Image default
AmawulireFeatured

Abadde mulwanirizi w’eddembe ow’amazima- Kyagulanyi.

ABADDE Akulira bannamateeka mu kibiina Kya NUP, Anthony Wameli aziikiddwa mu bitiibwa ku kyalo Bukhaweeka mu gombolola y’e Bu­poto disitulikiti y’e Namisindwa.

Omukolo ogumusiibula gubadde ku kisaawe Kya Sports Ground e Na­misindwa era nga wano abakulem­beze kumpi bonna naddala abava ku ludda oluvuganya gavumenti bagwetabyeko.

Akulira NUP, Robert Kyagu­lanyi Ssentamu era nga y’abadde omukungubazi omukulu yayoged­de ku Wameli ng’omuntu abadde takoma ku kubeera munnamatee­ka wabula abadde muganda we gw’asobola okwesigisa buli kyama kye era amusaaliddwa nnyo.

Ono era yategeezezza nti ban­namateeka bangi mu ggwanga naye batono abasobola okulemera ku nsonga nga Wameli bw’abadde okutuu­sa lw’afudde

 Kyagulanyi, asabye bannamateeka abasigaddewo okwongera okul­wanirira eddembe ly’obuntu nga Wameli bw’abadde .

Namwandu w’omugenzi, Ol­ive Wameli yatenderezza bba olw’okububeera taata w’abaana omu­lungi ate ng’abadde mukwano gwe era amulaze omukwano okumala emyaka 16 gye bamaze nga bali bombi.

Maama wa Wameli Betty yeeba­zizza buli amuyambyeko okulaba ng’omwana we awona wadde nga Mukama asazeewo amutwale .

Omugenzi Anthony Wameli yazaalibwa nga August 29, 1978 ku kyalo Bukhaeeka mu Ggombolola ye Bupoto mu disitulikiti ye Na­misindwa . Yafiiridde mu Amerika gye buvuddeko gye yali yatwalibwa okujjanjabibwa.

Related posts

NUP  eyajudde ekifo kyebaguze webagenda okuzimba ekitebe kyabwe  e Makerere Kavule.

OUR REPORTER

Owek. Kiyimba asabye abazadde okulambika abaana ku Mukenenya.

OUR REPORTER

FORTEBET KICKS OFF 2022-23 EPL WITH BLOCKBUSTER GIVEAWAYS.

OUR REPORTER

Leave a Comment