Mu kusooka Abazuugu baakozesanga kifuba okutwala Abaddugavu mu mawanga gaabwe gyebaabakozesanga ng’abaddu.
Gyebikkidde ng’Abazuugu kati bakolagana na bakulembeze okulaba engeri gye bayinza okutangira abaddugavu abaasooka okugaana okugenda mu mawanga gaabwe kyokka nga kati bui omu ge yeeyuna.
Ekisinze okutabula embeera y’engeri basseereebu gye bakiwunzise nga be basinze okuddukiri ku kyeyo mu mawanga g’Abazuugu oba lwakuba bo bamanyiddwa nnyo
WAMMANGA BE BASSEREEBU ABAAKAGENDA KU KYEYO MU BAZUNGU
STECIA NAYANJA
Ono yagenda Canada omwaka oguwedde nga yagenda kumujjanba, wabula ng’ate omunenya ki?
N’ekibiina kye yali ayimbiramu ekya gaolden band kiri ng’ ekitakyayimba ate nga naye akyegobyemu.
Ekyewuunnyisa abangi mpozzi y’engeri gye yali atandiseewo ekintu kye ekya Stecia Mayanja and the house girl ne kikwatayo ng’azannya emizannyo egiragibwa ku ttivvi ne Youtube nga n’abantu batandise okubyagala kyokka n’abulawo.
FYONA KIRABO
Yali akola ku pulogulaamu ya Muvubka weeyogerere ku Bukedde TV1.
We yagendera e Nigeria ng’asseemu oluvannyuma lw’okuva ku mpewo olw’okufumbirwa.
Amaanyi ge yagalagira mu kuwagula engule omwali Best dressed femal TV personality mu 2024 mu mdaka ezaatumibwa A Bryan’s style and fashion awards.
Yavuganyaako ne ku ngule ya Best Entertainment femake TV presenter eza Uganda Entertainment awards.
Emirimu gye emirala mwali,u okukola makeup.
Kigambibwa nti yaganda Nigeria kuzannya firimu.
KAPALAGA BEIBE
Amannya amatuufu ye Micheal Katende eyali akola olugambo ku leediyo Simbi lwe baayitanga Wolokoso.
Mu kiseera kino ali mu Amerika ebya Wolokoso yabivaamu akuba kyeyo mpozzi n’okuyimba mu ssaza ly’e Massachusetts mu kibuga Boston.
JULIE ANGUME
Ono olwafumbirwa Sam Ssekajugo mu butongole obulamu bwe bwakyukira ddala.
Wadde nga Ssekajugo yalemwa okubeerawo nga Julie amwanjula n’ayanjulamu ekifaananyi ku mukolo ogwalui e Kiboga, omukolo olwaggwa, Julie n’alumba Kabiite we e Netherlanda gy’akolera era we twogerera ng’ebya Uganda awulira biwulira.
Yasooka n’agendayonmu 2021 bwe yaddayo mu 2022 teyakomawo na kati ali ku bufumbo akakalabya.
NABBI OMUKAZI
Eby’ono bibuzaabuza kubanga yalabibwako mu Amerika mu ssaza ly’e California mu September w’omwaka oguweedde.
Okukomawo kwe tekunnamanyika kubanga buli yebuuziddwa tamanyi ky’aliko ate nga n’essimu ye teriiko kutegeeza watuufu waali.
BILLY KATUMBA KASODDE
Ebya Kasodde bw’obeera ggwe bya yakoleranga ku CBS ne bw’obimujjukiza oba ng’afuuyira endiga omulere ku kasente kaa;I mu kukola mu kibuga Johannesburg ekya South Afrika.
Kasodde muyimbi era n’eyo gy’egimu ku mirimu gy’akola.
Amazeeyo emyaka ng’ebiri okusinziira ku baatuwadde amawulire gano abatera okumulabako mu kibuga Santon.
MOSES WALUGEMBE
Ono yali musomi w’amawulire Agataliiko Nfuufu ku Bukedde ttivi.
Bwe yakyalako e Netherland n’agamba nti kakubye.
By’akola tebimanyikiddwa kyokka ekituufu kiri nti yagenda mu 2022.
ERIMIA MASEMBE
Yali kansala wa Makindye West 111 naye ali mu Amerika gye yagenze gye buvuddeko.
Era kigambibwa nti abantu be abaamulonda beebuuza aniabakiikirira kubanga mu kugenda teyasooka kubasiibula era abamu tebamanyi nti kkansala waabwe gwe beerondera yabasuulawo dda, kati akwata ssente nzuugu.
JAMIRA KALUNGI
Ekyali mukyala wa Chris Evans ne bamumupakulako , naye 2022 yagenda mu Amerika, era ng’ennyonyi ya 2022, nga yaganda ne bbebi we gweyazaala mu bba omupya , Fahad Kulumba abeera e Boston.
Ku nkomerero y’omwaka oguwedde Jumira yazaalidde kulumbe omwana omulala.
Mu Amerika azannya katemba kw’agatta ebirala mw’aggya ssente.
CANDY MUTESI
Ono yali wa ssente mu Kampala, era olw’okuba muwala alaboika bulungi , bangi abamugoberera ku mikutu gya Social Media ‘. Yali nfanfe wa Don Zella.
Yagenda mu Amerika mu 2017 na kati takomangawo.
BASEREEBU ABALALA ABALI KU BYEYO;
Omukubi w’ebikonde Justin Jjuuko
Ababeera mu kibuga Las Vegas mu ssaza ly’e Nevada mu Amerika.
Julie Mutesasira
Ali e Canada n’abaana be ababiri.
Gen.Mega Dee ne Menton Krono.
Bwe baayimba mu Gulu teriiyo mwenge bali Amerika mu ssaza ly’e California.
Mega Dee yakuguka mu by’okujjanjaba emitima {Cardiovadcular Technician},asula North Hollywood, California.
Desire Luzinda
Abeera mu Amerika naye gy’akola ogw’obusawo gwe yasomerera.
Mary Flavia Namulindwa
Abeera Amerika akyakola by’amawulire nga bye yakolanga e Uganda.
Akola ku mukutu gwa yasomerera.
Charles Bukenya Mamulindwa
Eyali kazanyirizi wa leediyo Simba omu ku baatandika ebya Bizonto, ali mu Amerika azannya mizannyo, okugiwandiika n’okugitedeka banne.
Jeniffer Kabanda
Yali munnakatemba wa Afri Talent kati abeera Amerika gye yasomera eby’objjanjabi mwe yasooka okufuna satifikeeti kati alina diguli era musawo.
Ivan lukwago
Yali maneja wa David Lutalo bwe baagenda ku kivvulu e Canada mu 2021 teyakomawo.
Ronnie Banton
Eyayimba Kawuna ali Amerika .
Don Zella
Omuli wa ssente ono naye abeera mu Amerika.
KARITAS KARIO
Kye yakola ekimujjuirwako lwe luyimba Njagaza kajanja lwe yakola ne Ronaldi Mayinja mu bbandi ya Golden.
Yayogerwako bingi nga bwe yali atabudde obufumbo bwa Mayinja kyokka ng’agamba si bituufu .
Gye byakkira ng’ali kati.
Akyayimba kw’aggatta gy’ali kati.
Akyayimba kw’agatta okuzannya katemba n’emirimu emirala.
SELECTOR WILLIAMS
Ono amannya ge amatuufu ye Williams Mukisa.
Abadde mukozi wa leediyo Sapientia olumu ng’akola nga blogger.
Mu kiseera kino ali mikutu gya social media akyakikola naddala ku nsonga z’abayimbi n’ebigenda mu maaso ku by’ekisaawe ky’ebyamasanyu mu Ugaanda.
DJ MESSE
Ono amannya ge amatuufu ye Nicholas Mpiirwe.
Okutuuka mu September omwaka oguwedde we yagendera mu Amerika, abadde mukozi wa leediyo Super.
Mu kiseera kino ali mu Amerika gye yagenda omwaka oguwedde ku mirimu egy’enjawulo.
DJ.Messe yayatiikirira bwe yali azannya mu Amarula Family e Amooti Omubalanguzi n’omugenzi Paddy Bitama.
BASEREEBU ABALAALA ABAAGENDA KU KYEYO
PAUL JJINGO
Yali munnakatemba wa Ebonies n’agenda e Canada gye yava okudda mu Amerika.
RABADABA OMUKYAMU
Amannya amatuuufu ye Faisal Sseguya eyawasa Nnaalongo Maggie Kayima, namwandu w’omugenzi AK 47 ne bagenda e Bungereza.
HARRIET NALUBWAMA NAKAWUNDE.
Nalubwama eyakazibwako erya Nakawunde abeera Bungereza gye yagenda mu 2002.
Nakawunde yayatiikirira mu myaka gy’ekyenda olw’okuzaannya mu muzannyo aba Ebonies naddala ku UTV.
KATONGOLE OMUTONGOLE
Eyali omukozi wa Beat FM ng’omu ku bamaneja aweereza ne ku mpewo ali Boston mu ssaza ly’e Massachusetts mu Amerika.
DRE CALI
Yali muyimbi wa Ykebenda bwe yagenda e Canada n’abinnyika mu nsuwa eby’ekibiina kye Mpaka Records n’abirekera mukamawe.
UTH WANNYANA
Yali mukyala wa John Ssegawa kati abeera Amerika mu ssaza ly’e Colorado.
CHARLES OIMKE
Eyali bba wa Straka Bibe bwe baali bakola ku WBS ttivi kati abeera Amerika Gy’akolera obwaa DJ n’emirimu emirala.
GRACE SSEKAMATTE
Yali muyimba mu Golden band kati abeera Boston mu Amerika gye yagenda mu 2019.
Akyayimba n’okuzannya katembe.
LATIFAH SSENYONDWA
Eyali mukyala wa Joel Isabirye omukulu ali mu Amerika gy’azannyira Ebinnayuganda kweagatta emirimu emirala.
Ono yali akola pulogulaamu ya Big Deal KU NBS ne Ssenga Justin Nantume.
ANGELLA KALULE
Omuyimbi wa KatiktiKI yagenda 2018 mu Amerika gye yasomera eby’obusawo by’akola kati.
DOREEN MUTIIBWA NE MICHEAL KINNE
Baali abayimbi ba Golden band mu March 2018 ne bagenda e Bungereza gye baalemera ne beewasiza ddala kyokka ku mirimu emirala bakyagattako ogw’okuyimba.
PASITA GEORGE OKUDI
Ye yayimba Wipolo olwamuwanguza engule ya Kora Award e South Afrika mu 2003.
Yagenda mu Amerika mu ssaza ly’Maryland gy’abeera.
ROY KAPALE
Yali mu bbandi ya Kato Lubwama eya Diamond Production, kati ali mu Amerika mu ssaza ly’e Chicago.
Ono ye yasooka okuba bba wa Rebecca Jjingo.
ABAS MUBIRU
Yali bba wa Stecia Mayanja eyakwatibwa olw’okusindika ssente ku mobile money nga tazirina olwava e Luzira yasbira Dubai.
