23.6 C
Los Angeles
September 23, 2023
Image default
AmawulireFeatured

Mpuuga atabukidde aba NUP abeegwanyiza ekifo kye LOP.

Akulira oludda oluvuganya mu Palamenti, Owek. Mathias Mpuuga Nsamba atabukidde bannakibiina ki National Unity Platform abaagala okutwala entebe y’akulira oludda oluvuganya okulaga obusobozi bwabwe era balinde ekisanja kye eky’emyaka 2 n’ekitundu okuggwako.

Owek. Mpuuga agamba nti ekifo kino tafukamirangako kukisaba naye kyamuweebwa nga basinziira ku busobozi bwe n’obumalirivu bw’alina ng’ omuntu.

“Nange woofiisi yange gyendimu waliwo abalowooza nti bebandigibaddemu naye ndowooza  ekyo kyabujega. Nze sakeerako kukuba kampeyini okufuuka LOP, nze ndi kitundu butundu eky’obukulembeze bwa NUP,” Owek. Mpuuga bw’ategeezezza omukutu guno mu mboozi eyakafubo.

Ono ategeezezza nti balina omulimu omunene okulaba nga bawuliziganya ng’ekibiina wakati wabwe abali mu Palamenti awamu ne bannabwe abali ebweru waayo.

Mpuuga agamba nti ekizibu ekinene ekiriwo ku bantu abali ebweru wa Palamenti beebo abataagendayo nga kati bakola buli kimu okukkakanya n’okumalamu ekitiibwa abo ababawangula nga byonna biva kukubatwalako kkaadi z’ ekibiina.

Ku bantu abamuli obukiika, Mpuuga abasabye okumanya nti ye Mugabe wa lutabaalo era luno si lulwe wabula lwa kununula bannayuganda nasaba abalowooza nti basobola okukola obwa LOP okumukira okulinda aweebwe omukisa.

Mpuuga agamba nti nga tebanakayanira kifo kyalimu, balina okusooka okukakasa ensi nti babaka balungi era balage ensi nti bagezezaako okumuyamba nga akulira oludda oluvuganya naye kino bwekirema balina kusirika balinde, ekibiina gwekinalonda oluvannyuma lw’ekisanja kye okuggwako.

Abamulima empindi ku mabega, Mpuuga abalangidde enkwe nabasaba bakomye okukola ebintu eby’ekyejjo bweba baagala ekibiina kino okutwala obuyinza kuba byebakola bizza olutabaalo lwebaliko emabega.

Okusinziira ku Mpuuga, olugendo lwabwe bano balumalamu amaanyi olw’okweyagaliza  nebeerabira abantu nebadda okumulwanyisa  nga beerabidde nti ye Mpuuga munt ubuntu era akadde konna Palamenti agifuluma.

Kino kiddiridde abamu ku bakulu mu kibiina okutandika okulumiriza Mpuuga obutakola kimala nga akunga banne okuzira entuula za Palamenti n’okunyweza enkola ey’okuguguba.

Ku kino Mpuuga ategeezezza nti wadde enkola eno nnungi naye ate terina kukola buli wamu nga waliwo lwekyetaagisa okuteesa ku mateeka aganyigiriza bannayuganda buli lunaku wadde nga ekiruubirirwa ekinene kya kuggyako bukulembeze bwe Pulezidenti Museveni.

Mpuuga agamba nti olw’okuba NUP kibiina ekikyali ekito mukumukwasa obukulembeze buno tewaliwo ntekateeka nnungamu gyebalina kugoberera era atambulira ku manifesto yakibiina etafuna mukisa kubukala mumitima gyabannauganda mu kalulu ka 2021.

Related posts

Eyabba obukadde 45 eza mukama we  agasimbaganye n’omulamuzi.

OUR REPORTER

Obwakabaka bukungubagidde Omuzira Nabakooza .

OUR REPORTER

Abatemu bateeze omugagga nebasindirira emmotoka ye amasasi.

OUR REPORTER

Leave a Comment