21.6 C
Los Angeles
September 26, 2023
Image default
AmawulireEssanyuFeatured

Owek.  Mayiga asabye abawangaalira ebweru  okusiga ensimbi  okwongera okulaakulana.

Katikkiro Charles Peter Mayiga awadde abantu ba Buganda abawangaalira ebweru  naddala mu Bulaaya ne America okwekolamu omulimu basige ensimbi eyo gyebali kibayambe okwongera okulaakulana.

Owek. Mayiga agamba nti kino kisobola bulungi okwongera okubakulaakulanya n’okuzimba okwaboobwe naye ebyo byonna birina kukolebwa ku nnono y’okwegatta nokukolera awamu.

Katikkiro abadde alambulula ku lugendo lwe lwagendako e Bulaaya okulambula abantu ba Buganda bali mu nsi okuli Norway, Sweden, Netherlands, Scotland gyagenda okuva atuukeko ne mu Bungereza mu kibuga Manchester. Olugendo luno Mukuumaddamula agenda kulumako wiiki 3 nnamba.

Olugendo luno  lwakubaawo mu makati g’omwezi guno nga 17, 2022 era mu lugendo luno, Katikkiro Mayiga asuubirwa okubaako emirimu emitongole gyakolako mu bitundu bino.

Owek. Mayiga annyonyodde nti obwakabaka buli mu nteekateeka yakubaga nnamutaayika mulala Obuganda kwebulina okutambulira ng’ ebirowoozo byabantu ba Buganda abawangaalira e Bulaaya nabyo babyetaaga.

Okusinziira ku nteekateeka ezaakoleddwa, Katikkiro Mayiga ajja kusisinkana abavubuka abawangaalira mu bitundu bino wakati mu kubaako entanda gyabawa n’ensonga lwaki tebasaanye kwerabira nsibuko yabwe.

Omu ku bavubuka abasuubirwa okwaniriza Katikkiro ebunaayira era eyaliko Nnalulungi wa Uganda mu Bungereza,   Jan Nakitende Mukiibi  asabye obwakabaka okubateerewo engeri gyebayinza okwongera okumanya obuwangwa bwabwe.

Related posts

Omuvubuka asse muganzi we omulambo n’agusibira mu nnyumba.

OUR REPORTER

Ekiri mu ddwaniro Congo,Abayeekera ba ADF abasoba mu 2000 bafu *Mulimu abakazi nabaana*Engeri bakomanda gye babonze ennyonyi wakati mu bbomu*Abazungu balabudde ku biyinza okuyita*Uganda egumizza bannansi, Rwanda EBAZA

OUR REPORTER

Kitalo! Mutabani wa Hajji Nadduli afudde.

OUR REPORTER

Leave a Comment