23.6 C
Los Angeles
September 23, 2023
Image default
AmawulireFeatured

Ramadhan Kaggwa aziikiddwa wakati mu biwoobe.

BANNAKATEMBA bakungu­bagidde munnaabwe eyafudde ekirwadde kya kookolo. Ra­madhan Kaggwa, yaziikiddwa ku Lwomukaaga e Mukoko Masaka wakati mu biwoobe n’okwaziirana okuva mu bool­uganda n’emikwano.

Kaggwa abadde munna­katemba ow’erinnya era omu ku badayirekita mu kibiina kya Zubairi Family, abazannya omuzan­nyo gwa Namujin­ga ku Bukedde TV. Azannye emizann­yo egyakazibwako Ebinnayuganda mingi ku ttiivi ezenjawulo.

Mu gimu ku mizannyo gyino egimuwadde etuttumu mulimu, Abasajja baka, Abakazi baagala ki n’emirala. Sserunkuuma Moses Bbosa nga naye dayirekita mu Zubairi family yagambye nti omu­genzi yabadde ssaabawandisi w’ek­ibiina ekigatta abazannyi ba ffirimu z’Ebinnayuganda. Yagambye nti yatandika okumumanya era ne bak­watagana mu kuzannya ffirimu mu 2002. Yamwogeddeko ng’omusajja abadde omugezi ennyo ate omuntu­mulamu mu buli ky’akola.

Bbosa yagambye nti wadde Kaggwa agenze, ekibiina kyabwe kisigadde kinywevu era kigenda kugenda mu maaso n’okuweereza eggwanga mu Binnayuganda.

Related posts

Putin asindise nukiriya ku lubalama lwa Ukraine.

OUR REPORTER

WHAT A WIN! ‘X MASTER’ STAKES 30,000/=, WINS 194 M.

OUR REPORTER

Ebigezo bya S6 bifulumizibwa leero.

OUR REPORTER

Leave a Comment